Kíkt á bloggið á síðkvöldi.

Góða kvöldið, kíki hérna við aðallega til að bjóða nýan bloggvin velkominn ,.             

Já vertu velkominn Guðni gaman að fá þig í minn fámenna en góðmenna bloggvinahóp. Hér sést Langanesið þar í nánd er kallinn fæddur og uppalin við lítinn fjörð við fiskveiðar og önnur tilfallandi störf.Og slæptist  iðjulaus þess á milli.þegar ég var orðin nógu stór, fór ég á vetrar vertíðir,Vestmannaeyjar voru stundaðar á þessum mínum uppvaxtar árum,ýmist í landi í frystihúsum og svo á sjónum, sem gat oft á tíðum orðið frekar slarksamt.                            Jæja læt þessa þvælu nægja í kvöld ,.Heyrumst og sjáumst vonandi fljótlega.

• Læt svona af gömlum vana fljóta með svona svo sem  eina til tvær vísur.                  
•                                                                                                                                                  
•  Fátt er nú í fréttunum
• fækkar sumardögum,
• mér er raun af réttunum
• og rætnum bændasögum.
• Margt er sér til gamans gert
• geðheilsu til bjargar,
• glaður klóra bak mitt bert
• bætir það stundir margar.
•                                                                
•        Göngum hægt um gleðinnar dyr
•             Góða nótt, í Guðs friði.
•                        Halli.
•           
•             

 

Athugasemdir

[gudni.is, 20.9.2007 kl. 04:26]

Sæll og blessaður Halli.

Takk kærlega fyrir að bjóða mig velkominn í þinn góðmenna bloggvinahóp! Þetta er þrælfín síða hjá þér. Mér langar að hæla þér alveg sérstaklega fyrir það hvað þú ert duglegur við að myndskreyta bloggfærslurnar þínar. Mér finnst slíkt gera svona síður svo mikið fallegri og áhugaverðari að skoða og lesa, alveg sama þó að myndirnar séu ekkert endilega altaf stórmerkilegar þá gefa þær þessu mikið líf. Svo hef ég líka mjög gaman af að lesa vísurnar hjá þér, þær eru mjög skemmtilegar og oft fallegar.

Mikið væri ég nú stolltur ef að pabbi minn sem er af svipaðri kynslóð og þú væri fær um að halda úti svona bloggsíðu...    Hann er nefnilega alveg einstaklega tæknifatlaður einstaklingur og hann er rétt svo orðinn fær um að skoða einfaldar vefsíður.

Ég hef annars almennt nokkuð gaman af því að skoða hinar ýmsustu bloggsíður, bæði hjá fólki sem ég þekki, sem og hjá fólki sem ég þekki ekki neitt. Mér finnst oft gaman að sjá alskonar týpur af fólki tjá viðhorf sín og skoðanir á þjóðfélaginu, lífinu og tilverunni o.s.frv..  Og þegar mér líkar vel við skrif manna þá adda ég þeim stundum inn sem bloggvinum. 

Kærleikskveðja // Guðni